తే. గీ. |
నడుచునప్పుడు గాన్పించె నవ్యశార
దాంబుధర శుభ్రరూప శౌర్యాద్రిరాజ
మందునుండి యుమాజాని యరుగుదెంచి
యెదురుకొని వందన మొనర్చి యిచ్చ నలరి.
| 75
|
దివ్యవిమానస్థుఁడైన శ్రీహరియర్చామూర్తిని శివుఁడు స్తుతించుట
వ. |
కల్పాంతనర్తకుండైన హరుండు నర్తించి యిట్లని వినుతించి.
| 76
|
సీ. |
[1]ఆహా! జగన్నాథ! యరవిందలోచన!
యరుదేర నినుగంటి నాత్మ చల్ల
నయ్యె నేత్రాంబురుహంబులు వికసనం
బయ్యె నోస్వామి! తారాళి యెంచ
వచ్చిన ధారాళవర్షబిందువు లెంచ
వచ్చిన సికతాలవంబు లెంచ
వచ్చినదేవ! భవన్నాభినీరజ
నీరజసంభవానీకములు గ
|
|
తే. గీ. |
ణింప శక్యమే షాడ్గుణ్యనిధివి నీవ
విశ్వకారణమును నీవ విశ్వలోక
సత్తముండవు నీవ ప్రసన్నముక్తి
దాయకుఁడ వీవ సకలసంధాత వీవ.
| 77
|
క. |
అకలంకమహిమ నాబ్ర
హ్మ కిట [2]నిఖిలప్రపంచమంతయుఁ గ్రీడా
ర్థకలితపుత్రకు లట్లనె
ప్రకటశ్రీ నుండు నీకుఁ బరమాత్మ! హరీ!
| 78
|
మ. |
నిగమాంతాధ్వమహావబోధ నిధయే నేత్రే సుధీపాలినే
భృగుజాపీనపయోధరాంక [3]మకరీస్ఫీతాంసయుక్తాయతే
జగతీశాయ కృపాబ్దయే౽విత తురాసాహే నమస్తే నమః
త్రిగుణాతీత గుణాయ సాధుసుమనోధిన్యై నమస్తే నమః.
| 79
|
- ↑ హాహా
- ↑ వివిధప్రపంచమంతయు
- ↑ మకరిస్ఫీత