పుట:నారదీయపురాణము (అల్లాడు నృసింహకవి).pdf/217

తే. గీ.⁠

కులికె నొకసిరియూధికాకుటజనీప కేతకీకుసుమములు ప్రభూతమహిమ మొనసి ఘనతరవనదుర్గముల దళంబు లేర్పడ ఘనుండు మన్నించె హెచ్చుగాఁగ.

⁠ 121

వ.⁠

అప్పుడు.

⁠ 122

క.⁠

మురళీనాదము చేసెను హరి హరిణిమానసంబు లానందకళా భరణీభవభృతివద్వయ శరణీభవదమృతసారసాగరములుగన్.

⁠ 123

వ.⁠

అంత.

⁠ 124

క.⁠

పొదలె నరవిందసంపద కదలెఁ దటిల్లతలవేశ కాశజలక్ష్ముల్ మెదలె మరాళగణములకు వదలెం గడు మానసాధివాసప్రేమల్.

⁠ 125

సీ.⁠

అభ్రముల్ వెలవెల నయ్యెఁ బంకం బింకె                        [1]నమ్ముల నెరి తప్పె నభము తనరెఁ తారలు మెఱసె [2]జ్యోత్స్నాపూరములు పొంగెఁ                        గలమ సస్యము పక్వ కణిశ మయ్యెఁ గనుపట్టె సైకతోత్కరము నదుల్ స్రుక్కె                        వృషభముల్ మత్తిల్లె విరిసె సప్త వర్ణముల్ సొంపారె బాణాసినంబులు                        ఘటజుపెంపున నీటఁ గలఁకదీరెఁ

⁠

తే. గీ.⁠

జాతకంబుల యామని జాఱితారె నలబలాకలసంభ్రమం బాశ లెల్లఁ జాల దీపించె రాజహంసగతి నెరసె ధరణి శరదాగమము వింతసరణిఁ జెలఁగ.

⁠ 126

1. నమ్ములు = నెమళ్ళు
2. త్స్నానపూరము పొంగె