పుట:నారదీయపురాణము (అల్లాడు నృసింహకవి).pdf/201

తే. గీ.⁠

[1]పరిఖ యాదిమకచ్చపభరణ మగుట సాల మభ్రగజోదారసార మగుటఁ బ్రబలి తత్పురి గజకచ్ఛపప్రహారి కన్న నేమం బొసంగదే కనకమున్న.

⁠ 26

తే. గీ.⁠

తద్రమాకాంతతోడ నాధరణికాంత కవిత నిజరత్నమేఖల గాను[2]పింప నంచితశ్రీలు ముచ్చట లాడినట్లు పరిఖయును కోటయును మించె సిరుల నందు.

⁠ 27

క.⁠

మెండై యమరావతికిన్ భాండాగారంబువోలెఁ బ్రబలంబై బ్ర హ్మాండమున వెలసె నప్పురి నిండిన నవరత్నపూర్ణనిధులు చెలంగన్.

⁠ 28

తే. గీ.⁠

తతమదస్ఫూర్తి నైరావతం బుదగ్ర విగ్రహంబున నెదిరి గర్వించెనేని తదురుసప్తాంగహరణ ముద్ధతి నొనర్చి తనరవే యందు భద్రదంతావళములు.

⁠ 29

తే. గీ.⁠

[3]జలధిలో ధారలొత్తు నుచ్చైశ్రవంబు బలగుణాఢ్యంబె కఠినసాపత్న్యగర్వ కలితసంగరవినుతాధికప్రతార ణాంకము వహించె ననుఁ దదీయహయచయము.

⁠ 30

తే. గీ.⁠

నలువ మాకంటె ఘనుఁడె యామ్నాయశక్తి నేకవచనంబు వరబుద్ధి నెఱుఁగుఁ గాని యుభయవచనప్రకాశకయుక్తి యెఱుఁగఁ డనుచు నవ్వీటఁ బ్రహసింతు రవనిసురులు.

⁠ 31

క.⁠

పేరై యుందురు వైభవ శూరత్వము పూర్ణదానశూరత్వము ధీ శూరత్వము రణధరణీ శూరత్వము గలిగి రాజసుతు లవ్వీటన్.

⁠ 32

1. పరిఘ
2. పించ
3. జలధిలో దారవొత్త ఉచ్చైశ్రవంబు