పుట:నారదీయపురాణము (అల్లాడు నృసింహకవి).pdf/199

తే. గీ.⁠

వెలసె వైష్ణవమాత్రుఁడే విబుధకోటి యాశ్రయింపంగ సద్భక్తి నాదరించె సిరుల నల్లాడు చెన్నప్ప శ్రీకరపు భావభావుకకీర్తిప్రపన్నమూర్తి.

⁠ 17

క.⁠

మాజనకుఁడు చెన్నప్ప ర మాజనకగభీరతాసమగ్రత మించెన్ రాజోత్తములున్ వైష్ణవ రాజోత్తములున్ నుతింపఁ బ్రజ్ఞాశక్తిన్.

⁠ 18

ఉ.⁠

అంబకు జోడు పంచవిశిఖాంబకు జోడు విదేహరాజ జా తాంబకు జోడు సాయకశయాంబకు జోడు పతంగలోకరా జాంబకు జోడు మజ్జననియై భువనంబుల మించినట్టి కృ ష్ణాంబ గుణావలంబ విబుధావళి నేలు భళీ భళీ యనన్.

⁠ 19

సీ.⁠

లక్ష్మీసమాఖ్యయౌ లలనతో గృహమేధి                        భావంబుచేఁ జాలఁ బ్రబలినాఁడఁ గవితవైభవులు సింగన్న యనంతుండు                        నాదిగాఁ బుత్రుల నందినాఁడ శోభితాపస్తంబసూత్రపవిత్రకీ                        ర్తిస్పూర్తిచేత వర్తిల్లినాఁడ నఖిలవైష్ణవరహస్యార్థోపదేశంబు                        లనుపమభక్తిమై నందినాఁడ

⁠

తే. గీ.⁠

నందనందనపూజనానందవార్ధి నోలలాడుచు సద్గోష్ఠి నున్నవాఁడ నూరి మాన్యుండ నల్లాడు నారసింహ నామకుఁడ సంతతగురుప్రణామకుండ.

⁠ 20

సీ.⁠

ఏదేశికాధీశుఁ డిద్దబుద్ధిస్ఫూర్తి                        బ్రహ్మరాక్షసులశాపం బణంచె నేదేశికోత్తముఁ డెదిరించి నిలిచిన                        శక్తికి చక్రాంకశక్తి యొసఁగె నేదేశికాధ్యక్షుఁ డేకశిలాపురి                        నిజమతంబంతయు నిర్వహించె నేదేశికశ్రేష్ఠుఁ డాదిమై రామాను                        జాచార్య విజయధ్వజాంక మయ్యె

⁠