ఈ పుట అచ్చుదిద్దబడ్డది
రేకు: 0205-04 శ్రీరాగం సం: 03-028 శరణాగతి
పల్లవి:
ఇతనికంటె ఘను లిఁక లేరు
యితర దేవతల యిందరిలోన
చ. 1:
భూపతి యీతఁడె పొదిగి కొలువరో
శ్రీపతి యీతఁడే చేకొనరో
యేపున బలువుఁడు నీతఁడే చేరరో
పైపై వేంకటపతి యైనాఁడు
చ. 2:
మరుగురుఁడితఁడే మతి నమ్మఁగదరో
పరమాత్ముఁ డితఁడె భావించరో
కరివరదుఁ డితఁడె గతియని తలఁచరో
పరగ శ్రీవేంకటపతి యైనాఁడు
చ. 3:
తల్లియు నితఁడే తండ్రియు నితఁడే
వెల్లవిరై యిఁక విడువకురో
చల్లగా నితని శరణని బ్రతుకరో
అల్ల శ్రీవేంకటహరి యయినాఁడు