ఈ పుట ఆమోదించబడ్డది
రేకు: 0233-06 గుజ్జరి సం: 03-191 వైష్ణవ భక్తి
పల్లవి:
మాకేమి నీకరుణ మహాప్రసాదమనేము
నీకు నీదాసుల చేతినింద బెట్టుగాదా
చ. 1:
పమ్మి మిమ్ముఁ గొలిచినబంట్లఁ బరులు దమ
సొమ్మనుచుఁ దియ్యగాఁ జూచేదా
వుమ్మడి నీవిందుకెల్లా నూరకున్నఁగన మిమ్ము
నమ్ముమన్న వేదాలయానతి కొంచెపడదా
చ. 2:
నీముద్ర మోచినవారి నీచులు దడవఁగాను
యీమేర నడ్డమురాక యిట్లుండేదా
వోమక నీవీవేళ నూరకున్న నల్లనాఁటి-
సామజముఁ గాచినది సందేహించఁబడదా
చ. 3:
మీరు మన్నించినవారు మీవాకిలి గావ కేడో-
వారి వాకిలి గావఁగా వద్దనరాదా
నేరిచి శ్రీవేంకటేశ నేఁడు నన్ను గావకున్న
ధారుణి మీ దయే మిమ్ముఁ దప్పులెంచుకొనదా