ఈ పుట ఆమోదించబడ్డది
రేకు: 0233-05 లలిత సం: 03-190 ఉపమానములు
పల్లవి:
ఓపితేఁ దానే తగిలి వోపకున్నఁ దానే మాని
మాపురేపు నలయించే మాయ మాకేలా
చ. 1:
చింతాయకుఁడగు(?) హరి చిత్తములో నుండఁగాను
వింతవింత విచారాల వెఱ్ఱి మాకేలా
చెంతల పరుసవేది చేతిలోనే వుండఁగాను
దొంతరవిద్యలతోడి దోవ మాకేలా
చ. 2:
తోడునీడై యచ్యుతుఁడు తొలఁగక వుండఁగాను
జాడ దప్పి తిరిగేటి జాలి మా కేలా
యేడనో కోకలు వేసి యేమియు నెరఁగలేక
వేడుకతో కొక్కెరాలవెంట మాకేలా
చ. 3:
వెల్లవిరై యెదుట శ్రీవేంకటేశుఁ డుండఁగాను
బల్లిదుఁ డీతనిఁ బాసి భ్రమ మాకేలా
యెల్ల ధాన్యములు మా యింటిలో నుండఁగాను
పాల్లి కట్టు దంచేమని బుద్ధి మాకేలా
