ఈ పుట అచ్చుదిద్దబడ్డది
రేకు: 0203-04 ధన్నాసి సం: 03-016 అధ్యాత్మ
పల్లవి:
ఊరకే నీ శరణని వుండుటే నా పనిఁ గాక
యీ రీతి నా వుపాయము లేడ కెక్కీనయ్యా
చ. 1:
ముందే అంతర్యామివై మొగి నాలో నుండఁగాను
చెంది నిన్ను లేనివానిఁ జేసుక నామనసులో
గొంది నీయాకారముగా కొంత నే భావించుకొంటా
ఇందుఁ గల్పితధ్యానము లెట్టు చేసేనయ్యా
చ. 2:
కన్నులఁ జూచినందెల్ల కమ్మి నీవై యుండఁగాను
అన్నిటాఁ బ్రత్యక్షమందు అభావన చేసుకొని
విన్ననై తెలియలేక వేరే యెందొ వెదకుచు
పన్నిన ప్రయాసాలఁ బడనేటికయ్యా
చ. 3:
శ్రీవేంకటాద్రిమీఁద శ్రీపతివై కొలువుండి
ఆవటించి తలఁపులో నచ్చొత్తి నట్టుండఁగాను
దేవుఁ డెట్టివాఁడంటా తెగని చదువులందు
సోవలుగా నింకనేమి సోదించేనయ్యా