ఈ పుట అచ్చుదిద్దబడ్డది
రేకు: 0317-2 శుద్ధవసంతం సంపుటం: 11-098
పల్లవి: చెలులాల మీ రిం తేల చెప్పే రాతనికి బుద్ది
చలివలపులు చిల్లి జాగులు సేసీనా
చ. 1: సేస వెట్టినట్టివాఁడుచేరి కాఁగిలించుఁ గాక
ఆసలాసలె రేఁచి అట్టె వుండీనా
వాసి వుటించినవాడు వడిఁ జింత మిచ్చుఁ గాక
బేసబెల్లితనమున బిగువు లాడీనా
చ. 2: ససర మాడినవాఁడు చన విచ్చి కూడుఁ గాక
తరఁగుమరఁగు లాడి తక్కి వుండీనా
కరఁగి మెచ్చినవాఁడు కందువకుఁ దీసుఁ గాక
సరవు లెరంగక సాదించీనా
చ. 3: దగ్గరి వచ్చినవాఁడు దయ నాపైఁ జేసుఁ గాక
సిగ్గులు వడుచు వేరె చిమ్మి రేఁచీనా
యెగ్గు దీర శ్రీవెంటేశుడిట్టె నన్నుఁ గూడె
వొగ్గి నా సొమ్మాయఁ గాక వొల్ల ననీనా
