ఈ పుట అచ్చుదిద్దబడ్డది
రేకు: 0317-3 మంగళకౌశిక సంపుటం: 11-099
పల్లవి: తానె యెరఁగఁదా తనలాగు
మోనాన నే నొక్కమారు మొక్కితేనె చాలునే
చ. 1: పిలువ నేర్చినవాఁడు ప్రియము చెప్ప నేరఁడా
వెలిని లోనను విన్నవించ నోపనే
తలఁపు దెలిసేవాఁడు తమకించ నేరఁడా
పలుమారు నతనిఁ జేయి వట్టి తియ్య నోపనే
చ. 2: ఆయము అంటినవాఁడు అవ్వలిపని నేరఁడా
రేయిఁ బగలు నాతని రేఁచ నోపనే
చాయగా నవ్వినవాఁడు చవి గోన నేరఁడా
పాయపురచన లెల్ల బచరించ నోపనే
చ. 3: కన్నుల జూచినవాఁడు కాఁగిలించ నేరఁడా
వున్నతపుగుబ్బల నే నొత్త నోపనే
యిన్నిటా శ్రీవెంకటేశుఁ డిట్టె నన్నుఁ గూడెను
వెన్నెలబాయిట నంత వేసరించ నోపనే