ఈ పుట అచ్చుదిద్దబడ్డది
రేకు: 0400-6 పాడి సంపుటం: 11-600
పల్లవి: అందుకే పో నవ్వు వచ్చీ నప్పటనుండి
అందుకు మొక్కఁ బోతేను ఆయములు సోఁకెఁగా
చ. 1: సంగడా లెత్తినచేయి చాఁచేవు మావురముపై
నంగనలము మా చన్ను లంత కోపునా
యెంగిలితమ్మ రాలెను యింతలో నీచేతిమీఁద
సంగతి నేమో సేయఁగ సరి నేమో యాయఁగా
చ. 2: విరులు ముడిచి నట్టిసిరసు మాతొడమీఁద
నెరవుగఁ బెట్టుకొని నిద్దరించేవు
పొరి నాపాదాలమీఁద బూవు లెల్ల రాలఁగాను
దొరతనానకు రాఁగా దొమ్మిపూజ లాయఁగా
చ. 3: గందము పూసినమేను కాఁగిట నన్నుఁ గూడఁగ
చిందే నా చెమట నీపై చిప్పిలఁగను
అందపు శ్రీవెంకటేశ అలమేల్‌మంగను నేను
కందువఁ గూడితి విట్టె కత లై నిలిచెఁ గా
