ఈ పుట అచ్చుదిద్దబడ్డది
రేకు: 9082-02 లలిత సం: 04-585 అధ్యాత్మ
పల్లవి:
హితమిదియే కాకిఁక లేదు - మా
గతిఁ జెరి నీకృపె కలదిది యెల్లా
చ. 1:
పాతకకోట్లం బాయునుపాయం
బేతరిఁ జూచిన నిఁక లేదు
చైతన్యాత్మక సకలేశ్వర నీ
చేతిదె ప్రాణుల జీవనమెల్లా
చ. 2:
భవబంధంబులఁ బాయునుపాయం
బివల నవల మారికిఁక లేదు
ధ్రువవరదుఁడ కౌస్తుభధర నీకృప
చవిచేతివె మా సంపద లెల్ల
చ. 3:
పరమ పదం బగపడు విభవము నీ
కరుణే కానిఁక గడలేదు
తిరు వేంకటగిరి దేవుఁడ నీకే
భరము జంతువుల పనులివి యెల్లా