ఈ పుట అచ్చుదిద్దబడ్డది
రేకు: 9౦53-01 సామంతం సం: 04-566 వైరాగ్య చింత
పల్లవి:
సంతత దుఃఖపు జడులాల శ్రీ
కాంతుని మరవక కనరాదా
చ. 1:
మలజలధులఁ బలుమరుఁ దేలుచుఁ గడు
దలఁకుచు నొరలుఁ బాతకులార
నలువున శ్రీహరి నామామృతమే
కొలఁది మీరఁ బేర్కొనరాదా
చ. 2:
భవ పంకము లోపలఁ బడి ముణుగుచు
చవి దలఁచెడి దుర్జనులాల
భవరోగములకుఁ బండితుఁడవు మా
ధవుని నాత్మఁ జెందగఁరాదా
చ. 3:
కడుఘోరపు మార్గంబున నలయుచు
వడినేఁగెడి తెరువరులాల
చెడని పదవొసఁగు శ్రీవేంకటపతిఁ
దడవి సుఖముల జెందఁగరాదా