ఈ పుట ఆమోదించబడ్డది
రేకు:0301-04 బౌళి సం: 04-004 అధ్యాత్మ
పల్లవి:
నిజమో కల్లో నిమిషములోననే
భజించు వారల భాగ్యము కొలఁది
చ. 1:
వొకఁడు కనుదెరచి వున్నది జగమను
వొకఁడు కన్నుమూశోగి లేదనును
సకలము నిట్లనె సర్వేశ్వరుఁడును
వెకలినరులు భావించినకొలది
చ. 2:
కడుపు నిండొకఁడు లోకము దనిసె ననును
కడుపు వెలితైనఁ గడమను నొక్కఁడు
తడవిన నిట్లనే దైవమిందరికి
వెడగునరులు భావించిన కొలఁది
చ. 3:
ముదిసి యొకఁడనును మోక్షము చేర్వని
తుదఁ బుట్టొకఁడది దూరమనును
యెదుటనే శ్రీవేంకటేశ్వరుఁ డిట్లనే
వేదకి నరులు భావించిన కొలది