ఈ పుట అచ్చుదిద్దబడ్డది
రేకు: 0031-1 శ్రీరాగం సంపుటం: 06-178
పల్లవి:
ఎటువంటి మోహంబు యెటువంటి పరిణతలొ
అటువంటి సతి పొందు లవి నీకె తగురా
చ. 1:
చక్కని జవరా లొకతె జారెడికొప్పొకచేతఁ
జెక్కుచు సన్నపు నవ్వు చిలికి చిలికి
చెక్కునఁ జెదరిన కమ్మం జెమటల తావులను
చొక్కుచు నిన్నరగంటం జూచె నెవ్వతెరా
చ. 2:
గద్దరి కన్నుల కలికి కమ్మని చల్లగాలి
అద్దిన దేహము తోడ నలసి యలసి
ముద్దుల రెప్పలు దెరచి ముందటి నీ తనవలపు
సుద్దులు దెలుపుచు నిన్నుం జూచె నెవ్వతెరా
చ. 3:
కొండల రాయండ నీ కొమరైన చెలిచన్నుఁ
గొండల నీ కెంగేలం గులికి గులికి
నిండిన కౌఁగిటిలోన నీవుం దానుం గలశుండి
వుండినటువలెం గూడి వుండె నెవ్వతెరా