ఈ పుట అచ్చుదిద్దబడ్డది
రేకు: 0040-5 శ్రీరాగం సంపుటం: 06-170
పల్లవి:
రాకురాకు మయ్యా మాతో రంతు లింతేలా
వాకు నిష్టూరాన నిన్ను వద్దనే నేఁ జాలను
చ. 1:
తొలవయ్య కాలుదాఁకీ దో‌సాలు గట్టకా
తొలుతేమి చేసితినో తొయ్యలినైతి
చెలఁగి యిందఱూ నీకుఁ జేయెత్తి మ్రొక్కగా
చిలుకు గోళ్ల నిన్నుఁ జెనక నేఁ జాలను
చ. 2:
ఏమిటికి నంటించేవు ఎంగిలి మామోవి
బూమిలేని చదువుల పుట్ట నీనోరు
వేమాఱు నిందఱు నీకు వినుతించి మ్రొక్కంగ
ప్రేమపునో ర నిన్ను పేరఁ దిట్టఁజాలను
చ. 3:
యేల కిందుపడి మొక్కే వేమి బాఁతినే నీకు
కూళ నింతేని కాలిగోరఁ బోలను
మేలిమి శ్రీ వేంకటేశ మెఱసి మాచనవు
మేలములాడుచు నిన్ను మెప్పించ నేఁ జాలను
