ఈ పుట అచ్చుదిద్దబడ్డది
రేకు: 0036-1 ముఖారి సంపుటం: 06-142
పల్లవి:
కన్నుల తుదలం గెంపు గానరాఁగాను నీకు
నన్నువ యలుకలు వేఱాయ నొసవితిమి
చ. 1:
చేరి నీ గుబ్బలమీఁది చెమట ముత్యము లోలి
తోరపు ముత్యాల సందుల నుండంగా
కూరిమి నీ పతి రతిఁ గూడిన నిబ్బరమున
హారములు చెదరి యే మాయ నొసవితిమి
చ. 2:
పెట్టిన కస్తూరి బొట్టు బెరసి నీ కురులతో
నట్టునిట్టుం జిందు వందు రై యుండంగా
మెట్టుకొని చందురుని మింటిమీది రాహు వచ్చి
పట్టపగలె యెలమిం బట్టె నొసవితిమి
చ. 3:
ముదిత నీకరమూలములను వేంకటపతి
ఉదుటుంజేఁతలు నిండి ఉండంగాను
పొదలు మొగ్గలతోడి పూలతీగెలతావి
వెదచల్లుచును విఱ్ఱవీఁగె నొసవితిమి
