ఈ పుట అచ్చుదిద్దబడ్డది
రేకు: 0034-6 సామంతం సంపుటం: 06-135
పల్లవి:
పులకజొంపములె పో పుంఖాను పుంఖముల
తెలుపులును మఱపులును దెచ్చెఁ గోమలికి
చ. 1:
చేటెఱుంగనికూన చెలి చిత్తమే కదా
కోటికిని బడ గెత్తెఁ గోరికలను
తేటైన తమకములు దీని పొందుననెపో
పోటుఁబాటును జేసెఁ బొలిఁతి కన్నీరు
చ. 2:
కలి మెఱుంగని విందు కాంత వయసే కదా
కలశంబు లెత్తెఁ దమకపు మేడకు
తెలిఁగన్నుఁగవచూపు దీనిచేఁతలనెపో
తలవాకిటికిఁ దెచ్చఁ దరుణి ప్రాణములు
చ. 3:
తనివెఱుంగనియాన తరుణి వేడుక గదా
నినుపులై రతులు పెన్నిధు లాయెను
వినుతింప నిదియపో వేంకటేశ్వరుఁ దెచ్చి
ఘన పరవశము తరంగములు గావించె
