ఈ పుట అచ్చుదిద్దబడ్డది
రేకు: 0033-4 ఆహిరి సంపుటం: 06-127
పల్లవి:
లంపుగుబ్బ గొల్లెతల లంజకాఁడ నీ
యింపులే వెదకంబట్టీ నెట్లరా వోరి!
చ. 1:
చెప్పరాని వేడుకల సిగ్గులనే నిన్నాళ్లు
ఉప్పతిల్లుం గోరికల నుంటిం గాని
ఇప్పు డింతనిలువలే నేమిసేతు నీచిత్త
మెప్పుడు గాని రాదో యెట్లరా వోరి
చ. 2:
చిల్లర సింగారాలు చెలులు సేయఁగ నేను
వొల్లనని యిన్నాళ్లు నుంటిం గాని
మల్లెపూవు వంటినన్ను మాసిన చీర తోడ
నిల్లు వెళ్లకుండఁ జేసి తెట్లరా వోరి!
చ. 3:
కమ్మ నిపానుపున నీ కౌఁగిటలో నిన్నాళ్లు
ఉమ్మగింపుమేనితో నుంటిం గాని
దిమ్మరిసేఁతలతోడి తిరువేంకటేశ! నీ
యెమ్మె లింకా మానలే వెట్లరా వోరి