ఈ పుట అచ్చుదిద్దబడ్డది
రేకు: 0058-5 సామంతం సంపుటం: 06-101
పల్లవి:
ఎటువంటి మోహమో యెట్టితమకమొ కాని
తటుకనను దేహ మంతయు మఱచెఁ జెలియ
చ. 1:
పలుకుఁదేనెలఁ గొసరి పసిఁడి కిన్నెర మీఁటి
పలుచ నెలుఁగున నిన్నుఁ బాడి పాడి
కలికి కన్నీరు బంగారు పయ్యద నొలుక
తలయూఁచి తనలోనె తలవంచుఁ జెలియ
చ. 2:
పడఁతి నీవునుఁ దాను పపళించు పరపువై
పొడము పరితాపమునఁ బొరలి పొరలి
జడిగొన్న జవ్వాది జారు చెమటలఁ దోఁగి
యుడుకు నూరుపుల నుసురుసురాయెఁ జెలియ
చ. 3:
తావి చల్లెడి మోము దమ్మి గడు వికసించె
లోవెలితి నవ్వులను లోఁగి లోఁగి
శ్రీవేంకటేశ లక్ష్మీకాంత నినుఁ గలసి
యీ వైభవము లందె నిదివో చెలియ