పుట:చతుర్వేదసారము (పాల్కుఱికి సోమనాథుడు).pdf/94

చతుర్వేదసారము

85

⁠

శివశివా! కర్ణుండు గవచ మిచ్చియుఁ జెడె                వస్త్ర మిచ్చియు దాసి వరము వడసె అక్కట! ఖచరేంద్రుఁ డంగ మిచ్చియుఁ జెడె                వ్రే లిచ్చి మంచయ్య విజయుఁ డయ్యె కటకట! శిబి తనకండ లిచ్చియుఁ జెడె                మృగమాంస మర్పించి మెఱసె నెఱుకు చెల్లబో! బలి భువి నెల్ల నిచ్చియుఁ జెడె                చోళుఁ డొక్కూ రిచ్చి సుగతిఁ బొందె

⁠

⁠

నట్ల లింగవిముఖ మగు దానధర్మప రోపకారవిక్రమోద్ధతములు నిష్ఫలంబు గాక నెట్టన శరణుల భక్తియుక్తి కెనయె బసవలింగ!

⁠ 168

⁠

జూదంబునను మూర్ఖు సోమార్ధధరుఁ గూడె                  జూదంబునను బాండుసుతులు సెడిరి మృగయాత్ర నొకచెంచు మృడుపురంబున కేఁగె                  మృగయాత్ర రాముండు వగను జెందె విషయసంగతి నంబి విశ్వేశుఁ బలికించె                  విషయసంగతి బ్రహ్మ విరళ మయ్యె హింసఁ దెలుఁగుజొమ్మఁ డీశ్వరు మెప్పించె                 హింసచే మాండవ్యుఁ డెక్కెఁ గొఱ్ఱు

⁠

⁠

తథ్య మట్లు గాక ధర "నధర్మాధర్మ తాం వ్రజే" త్తను శ్రుతి దప్పునయ్య! పరమభక్తియుక్తిపరు లెట్లు నడిచిన బద్ధ మదియుఁ గాదె బసవలింగ!

⁠ 169