పుట:చతుర్వేదసారము (పాల్కుఱికి సోమనాథుడు).pdf/4

5

సోమనాథునికి ముందు వెలసిన ప్రసిద్ధశైవాచార్యుఁడు హరదత్తాచార్యుఁడు రచించిన చతుర్వేదతాత్పర్యదీపిక దీనికి మార్గదర్శకము కానోపును.

ఇందులోని సీసము లన్నియు సమతావిలసితము లయి సోమనాథుని కవితావైశద్యమును బ్రకటించుచుండును. భక్తాగ్రేసరుఁ డగు బమ్మెర పోతరాజు "మందారమకరంద" అను పద్యమునకు నిందులోని పద్యమే మూలము. ఆ రెండింటి నీదిగువ నిచ్చుచున్నాఁడను,

సీ.⁠

రాకామలజ్యోత్స్నఁ ద్రావ నిచ్చలు గన్న                       నాచకోరంబుల కరుచి యగునె సహకారపల్లవచయములు దొరకిన                       జాతికోయిలలకుఁ జప్ప నగునె క్షీరాబ్ధిలోపలఁ గ్రీడింపఁగల్గిన                       భువి రాజహంసకుఁ బుల్ల నగునె విరిదమ్మివాసనవెల్లి ముంచినఁ గ్రోలు                       షట్పదముల కనాస్వాద్య మగునె

⁠

ఆ.⁠

బహుళతరదయార్ద్రభావప్రభావన మహిమఁ దనరు జంగమంబు రాఁగ నతులభక్తిపరుల కాహ్లాదకర మగుఁ బరిహృతాభిషంగ బసవలింగ!

⁠

చతుర్వేదసారము (155 పద్యము)

సీ.⁠

మందారమకరందమాధుర్యమునఁ దేలు                       మధుపంబు వోవునే మదనములకు నిర్మలమందాకినీవీచికలఁ దూఁగు                       రాయంచ సనునె తరంగిణులకు లలితరసాలపల్లవఖాది యై చొక్కు                       కోయిల సేరునే కుటజములకుఁ

⁠