రేకు: 0326-01 గుండక్రియ సం: 04-148 మాయ
| పల్లవి : |
కైకొంటే కాక కమలనాభునియాజ్ఞ
పైకొని ఇన్నిటాను బాసివుండ ఇనేది
|
|
| చ. 1: |
హరినిర్మితములే అఖిలప్రపంచము
తొరలి యేమిటి నిందు దూషించేది.
ధరణిధరునికి దాసులే జీవులెల్లా
గరిమ నెవ్వరి నిందుఁ గాదనేది
|
|
| చ. 2: |
వాసుదేవు కల్పితమే వరసంసార బంధము
దోసమంటా యెందెందు దొలఁగేది
శ్రీసతీశు రచనలే చేకొన్న రుచులెల్ల
యీసుతోడ నిందుమీఁద నెట్టురోసేది
|
|
| చ. 3: |
గోవిందుమాయలే కూడినట్టి పనులెల్ల
వేవేలై యిందునెట్టు వేసరేది
శ్రీవేంకటేశుఁడే చిత్తములో ధ్యానమెల్లా
పావనమైతిమి యిఁక బరచింత యేది
|
|
రేకు: 0326-02 లలిత సం: 04-149 విష్ణు కీర్తనం
| పల్లవి : |
విష్ణుదేవు పాదములే విద్యాబుద్దీ మాకు
వైష్ణవులమైతి మింక వదలవో కర్మమా
|
|
| చ. 1: |
గోవిందుని పాదములే కోరి యిహపరములు
శ్రీవిభుని పాదములే చేరు వేదశాస్త్రములు
దేవదేవు పాదములే దిక్కును దెసయు మాకు
భావములో నిలిపితిఁ బాయరో పాపములు
|
|
| చ. 2: |
హరి పాదములే మాకు నన్నపాన భోగములు
పరమాత్ము పాదములే పాఁడీ బంటా మాకు
మురహరు పాదములే ముందరవెనకా మాకు
శరణంటి మెందైనాఁ జనరో దుఃఖములు
|
|
| చ. 3: |
అనంతుని పాదములే ఆయుష్య భాష్యములు
దనుజారి పాదములే ధనధాన్య ధర్మములు
యెనలేని శ్రీవేంకటేశుడితని పాదాలే
మనసున గొలిచితి మానరో భవములు
|
|
రేకు: 0326-03 దేశాక్షి సం: 04-150 గురు వందన, నృసింహ
| పల్లవి : |
ఇందుకేది వుపాయ మోయీశ్వర నీకే తెలుసు
మందలించ నశక్తుఁడ మరి నీదాసుఁడను
|
|
| చ. 1: |
ధీరుఁడనై ధరలోన దేహము నే మోచితి
కోరి పుణ్యపాపాలకు గురియు నైతి
వూరట యేమిటా లేదు వోపనని మానరాదు
తీరదు భోగించక దినదినకర్మము
|
|
| చ. 2: |
గరిమ సంసారినైతి కంటిఁ బెక్కుసుతులను
యిరవుగఁ గట్టుకొంటి నీలంపటాలు
వెర వేమీ నెరఁగను విడువ వెంతైనాను
హరిహరి రాచినా సమయపు బలుకాంక్షలు
|
|
| చ. 3: |
అట్టె గురుముఖమైతి నాతుమలో నినుఁ గంటి
జట్టిగొని నీపాదాలే శరణంటిని
గట్టిగా నలమేల్మంగకాంతుఁడ శ్రీవేంకటేశ
యిట్టె నిన్నెరఁగలేని దిన్నాళ్ళు నానేరమి
|
|
రేకు: 0326-04 ధన్నాసి సం: 04-151 వేంకటగానం
| పల్లవి : |
దేవుదేవుఁ డితడే దివ్యమూరితి
యేవలఁ జూచినఁ దానే యీరూపై వున్నాఁడు
|
|
| చ. 1: |
వేంకటాచలము మీఁది విశ్వరూప విశేషము
అంకెల ననంతావతారాలైన విశేషము
లంకె సింగారాది సర్వాలంకార విశేషము
యింకనిమహిమలతో నీరూపై వున్నాఁడు
|
|
| చ. 2: |
అందరిలో నంతర్యామియైన విశేషము
కందర్పుఁబుట్టించిన ఘన విశేషము
ముందు జగముసృష్టించి మూలమైన విశేషము
యిందరితోఁ గూడుకొని యీరూపై వున్నాఁడు
|
|
| చ. 3: |
పరము యోగీంద్రులెల్ల భావించిన విశేషము
అరుదైన వేదవేదాంతార్థ విశేషము
పరగ నలమేల్మంగపతియై శ్రీవేంకటేశుఁ-
ఊరవై దాసులఁ గావ నీరూపై వున్నాఁడు
|
|
రేకు: 0326-05 వరాళి సం: 04-152 వేంకటగానం
| పల్లవి : |
మఱి తను భోగములు మాయా విలాసములు
యెఱిఁగి నట్లనుండు మఱపించుఁ దలఁపు
|
|
| చ. 1: |
అనిశము నీకొలువు అది యొకటే నిజము
నినుఁదలఁచుటొకటే నిజము
పనివడి నీదాసుఁడై బ్రదుకుటొకటే నిజ-
మొనర నిన్ను నుతించేదొక్కటే నిజము
|
|
| చ. 2: |
పరగ నీమీదఁజేయు భక్తియే నిలిచినది
నిరతపువైరాగ్యమే నిలిచినది
శరణని నీకుమొక్కే జ్ఞానమే నిలిచినది
అరసి నిన్నుఁబూజించినదే నిలిచినది
|
|
| చ. 3: |
చదివి నిన్ను వెదకి సాధించుటే ఫలము
అదన నీకృపాపాత్రుఁడౌటే ఫలము
యెదుట నలమేల్మంగనేలిన శ్రీవేంకటేశ
యెదలోన నీధ్యాన మిన్నిటికి ఫలము
|
|
రేకు: 0326-06 సామంతం సం: 04-153 వేంకటగానం
| పల్లవి : |
ఏది మాకు గతియిక నీశ్వరేశ్వరా
యీదెస మము గరుణ నీడేర్చవయ్యా
|
|
| చ. 1: |
పొంచిమున్ను భోగించిన భోగములు దలఁచి
అంచెల నాలుబిడ్డల నటు దలఁచి
కంచపుటాహరములు కన్నవెల్లాను దలఁచి
యెంచి నిన్నుఁ దలఁచక యిట్లున్నారమయ్యా
|
|
| చ. 2: |
కన్నులఁజూచినందెల్లా కడునాసలఁ దగిలి
విన్న వినుకులకెల్లా వేడ్కఁదగిలి
పన్నిన సుఖములకుఁ బైకొని వెనుతగిలి
వున్నతి నిన్నుఁ దగులుకున్నారమయ్యా
|
|
| చ. 3: |
చెంది గృహారామ క్షేత్రములు మరిగి
పొందగు సంసారమిప్పుడు మరిగి
అందపు శ్రీ వేంకటేశ అలమేల్మంగపతివి
కందువ మరిగీ మరుగకున్నారమయ్యా
|
|
