155
సెకండుఫారం చదువుతూన్న కొడుకు తండ్రితో,
కొ - నాన్నా! ఈ యేడు లెఖ్ఖల్లో ప్యాసవుతాను, నాన్నా.
తం - ఏం? నిరుటికంటె ఈయేడేం కొమ్ము లొచ్చాయా? నీ లెక్కలు ఇహనంతే.
కొ - కాదు నాన్నా . ఈయేడు నాకు లేఖ్ఖలకి 'దేవసహాయం' ఉంది,
తం - పురుషప్రయత్నం లేందే అదిఉండదోయ్, చవటా! ముందు నోరుమూసుకొని చెయ్యి. తరవాత దేవ సహాయం.
156
మొయ్యలేనంత డబ్బు తమరికిఉన్నా, ఇంకా తేరగావస్తే బావుకోవాలనే ఊహతో ఎల్లానైనా వొడుపుమాటలు చెప్పి మొగుణ్ణి సంభావనకి గెంటదల్చుకుని,
కంఠాలమ్మ - చూడండీ! రేపు నాగారంలో పాకెన్నష. రోజల్లా గోళ్లుగిల్లుకుంటూ కూచోడమే కాని మీరుచేసేదేముందీ? వెళ్ళి సందెవేళకి ఇట్టిరావచ్చు.
మొగుడు - (ఎల్లానైనా నడక తప్పించుకోవాలని మూలుగుతూ) నాకు ఈనడుంనెప్పి ఓటికాదూ?
కం - దానికేం? అదెప్పుడూ ఉన్నదే ఆయె, నేనె తెల్లారకుండా, మీకు మినపరొట్టి చేసి పెడతానుగా!
అని, అతణ్ణి ఒప్పించి, ఝాం తెల్లారకట్టే, కాళ్ళు విరగదొక్కుగుని, ఆ హడావిడిలో కాస్త బెల్లంతరిగి తేవడానికి వెళ్ళి కత్తిపీటమీదపడి, ఎల్లానోఇదై, చెయ్యగా, బూలిమూకుడు రొట్టీ ఊదిపారేసి నిమ్మణంగా నీలుగుతూ బయల్దేరి వెళ్ళి అయిదునిమిషాల్లో తిరిగివచ్చి, మొగుడు ఏమేవ్!
కం - ఏం? అప్పుడే ఏ మొచ్చిందీ, వెనక్కిరావడానికీ?
మొ - (మూలుగుతూ) సంభావన రేపుటే!
కం - ఇంతేకదా!
అని, మర్నాడు అల్లానే చేసి పెట్టి పంపగా అతడు మొదటి నాటికిమల్లేనే తక్షణం తిరిగివచ్చి, అతినీరసంగా.
మొ - ఏమేవ్, సంభావన నిన్ననేటే!
కం - మీనిన్న కాల్చిరిగదయ్యా! మూకుళ్ళకి మూకుళ్ళు తినడం అయిందికదా. ఆమాట గట్టిగా ఏడవక మూలగడమూ మీ మూలుగుఊరికెళ్ళా!
ము - (మూలుగుతూ) వెళ్ళీ వచ్చేసిందీ?
157
రాఘవులు - కేశవులూ! ఎంతమట్టుకొచ్చింది, మీ యింటో పెళ్ళి వ్యవహారం?
కే - చెరిసహం కుదిరింది.
రా - అంటే?
కే - అంటేనా! వాళ్ళు పిల్లని ఇస్తాం అనడం తడువుగా చేసుకోడానికి మేం ఒప్పుగునేటందుకు అంతా సిద్ధం చేసుగుని ఉన్నాం. సరి, నీ రాజీసంగతి ఏకాడికొచ్చింది?
రా - అదీ సహంసహం అయింది.
కే - అంటే?
భమిడిపాటి కామేశ్వరరావు రచనలు - 1
111
హాస్యవల్లరి