వై - (ఆవిడతో) మీరు లేవకండి. ఏదీ చెయ్యి!
మ - ఇదుగో, మీరు తిన్నగా గ్రహించాలి.
అని, తనకుడిచెయ్యి ఇయ్యగా,
వై - మీరు నర్మదాపురుకుత్సీయం చదివినట్టున్నారే! ఎడమచెయ్యి ఇయ్యండి. అనగా, ఆవిడ ఎడమచెయ్యి ఇచ్చినమీదట పరీక్షించి,
వై - ఈవిడకి పెళ్ళే మందండి,
మ - తమరే కటాక్షించాలి, ఆ మందు.
వై - (వెళ్ళడానికి లేవబోతాడు.)
తండ్రి - (చెముడువల్ల పైసంభాషణ వినపడక) ప్రస్తుతం మూడుమోతాదు లిప్పించండి. కావలిస్తే తరవాత పిరాయించుగోవచ్చు.
153
రాజు - బండీ, స్టేషను కెంతక్కడతావు?
బండివాడు - బలువు మీరేనా?
రా - నువ్వూ, బండీ, గంటా - ఇవన్నీ మాత్రం బలువులు కావూ ఎద్దుకీ?
బం - అదికాదుబాబూ! మీరొక్కరేనా బండిలో కూర్చునేది?
రా - అవును. ఎంతక్కడతావు?
బం - నిమిట్లో కడతాను. రైలందుకుంటాను.
రా - అదికాదురా, ఎంతసొమ్మిస్తే కడతావు?
బం - అదాండీ. మీరెరగరూ? మామూలే!
రా - మామూలా? నాకు దిగిదులుపుగుని చక్కాపోడం మామూలు!
బం - అల్లాటోళ్ళకి కట్టకపోడం నాకు మామూలు.
రా - దిగేటప్పుడుగాని అల్లాంటివాళ్ళు నీకు తెలియరుగా!
బం - ఎక్కకుండానే తెలుస్తూంటేనే బాబూ!
రా - నాకు బండీయే అక్కర్లేదూ, హాయిగా నడిచేపోతాను.
బం - సిత్తం. శీఘ్రంగా నడవండి. నాయెద్దుకి కాలు నలిగింది. నేను కట్టనే కట్టను.
154
ఒక పెద్దపన్నా పోలీసు ఇనసపెక్టరు ఇంటిదగ్గిర మామూలుగా ఉండేటప్పుడు తొడుక్కునేటందుకు సాదాజోడు కొనుక్కోవాలని షాపుకివెళ్ళగా, జోళ్ళషాపువాడు గుండెల్లో రాయిపడి ఏదో నొల్లుకుని పోతాడ్రా అని భయపడుతూ,
షా - నమస్కారం బాబూ, దయచెయ్యండి.
ఇ - నాకో జోడు కావాలోయ్!
షా - చిత్తం. తమరు సర్వాధికారులు. మాప్రాణాలు తమచేతులోనే, ఉండేది.
అంటూ ఎన్ని వేరువేరు కొలతల జోళ్లు తీసిచూపించినా వాటిల్లో ఎవీ ఇనస్పెక్టరుకాలికి ఎక్కకపోగా,
ఇ - (ఇంకా ప్రసంగం సాగిస్తూ) చెప్పిచెప్పి మా సర్వాధికారమే చెప్పుగోవాలి, పోదూ! అసలు మాకు ఓకాలు ఎప్పుడూ జైలులోనే ఉంటుంది.
షా - పోనీ , ఆమిగత కాలేఆయిరి, ఛస్తే ఏజోడులోనూ ఇమిడేటట్టు కనపట్టంలేదు. బాబూ!
భమిడిపాటి కామేశ్వరరావు రచనలు - 1
110
హాస్యవల్లరి