పుట:సకలనీతికథానిధానము.pdf/7

శ్రీ

సకలనీతి కథా నిధానము

ఎఱ్ఱయ ప్రణీతము

⁠

శ్రీలలనాధినాథుఁ డతసీకుసుమాంచితమూర్తి యష్టది క్పాలకిరీటరత్నరుచిభాసి పదాబ్జుఁడు మిత్రసర్వభూ పాలుని గుంటముక్లపినభైరవపాత్రుని నేలు సత్కృపా లోలుఁడు వేంకటేశ్వరుఁడు లోకము లెప్పుడుఁ బ్రోచుగావుతన్.

⁠ 1

ఉ.⁠

గోత్రతనూభవోరుకుచకుంభపటీరసుగంధిపక్షుఁ డ క్షిత్రయశోభి శంకరుఁడు శ్రీకరు గంగయభైరపాత్రునిన్ బాత్రవరేణ్యు నేలు శశిభాసికిరీటుఁడు, బ్రోచు గాత లో కత్రయవాసులన్ సకలకాలము వాంఛితభవ్యసిద్ధులన్.

⁠ 2

ఉ.⁠

బ్రహ్మమయుండు భారతికిఁ బ్రాణసఖుండు పదాంబుజాశ్రిత బ్రహ్మ మునీశ్వరుండు [1]సితపంకజమందిరుఁ డప్పరాశర బ్రహ్మకులాధినాథుఁ బినభైరవునిన్ మహపాత్రశేఖరున్ బ్రహ్మముగాఁగ నేలు వరభావుఁడు లోకముఁ బ్రోచుగావుతన్.

⁠ 3

ఉ.⁠

కొక్కటె[2] వాహనంబు తలకుం గుసుమంబటె లేతచందురుం డొక్కటి యట్టెదంతము సముజ్వలమై వెలుగొందుమూర్తిచే మ్రొక్కినవారి కిష్టఫలముల్ గృపసేయు గణేశ్వరుండు సొం పెక్కగఁ బిన్నబయ్యన హృదీశుఁడు మర్త్యులఁ బ్రోచుగావుతన్.

⁠ 4

1. రణ
2. ఒక్కట గ్రంథపాాతము