పుట:సకలనీతికథానిధానము.pdf/8

2

సకల నీతి కథానిధానము

క.⁠

వాల్మీకిఁ దలతు నపగత కల్మషరఘురామ కావ్యఘటశీలుం బు ణ్యోల్మ ? విహీనుం బ్రజ్వలి తోల్ముకనిభనేత్రు బ్రహ్మయోగపవిత్రున్.

⁠ 5

క.⁠

వేసరక గొల్తు నిగమా భ్యాసుని శ్రీరమణపాదపంకజసేవా వాసున్ ముక్తీ ? పురపద వీసంచరదృష్టివాసు వేదవ్యాసున్.

⁠ 6

క.⁠

భారవిని గాళిదాసున్ చోరున్ జయదేవు మాఘు సూర్యకవీంద్రున్ బేరెన్నికగల సంస్కృత సారకవీశ్వరులఁ దలతు సజ్జనఫణితిన్.

⁠ 7

చ.⁠

వినుతి యొనర్తు వాంధ్రసుకవీంద్రుల నన్నయభట్టుఁ దిక్కయ జ్వను నమరేశ్వరుం జెదలువాడమహాత్ముని మారనార్యు నా చనసుతు సోము భాస్కరుని జక్కయనుం[1] గవిసార్వభౌమునిం వనరుహపుత్రసన్నిభుల వర్ణిత కావ్యకళావిధిజ్ఞులన్.

⁠ 8

ఉ.⁠

నూతనశబ్దబంధములు నోటికి శక్యముగాక బొంతగా బాతులుగూయు కైవడిని పాఁచి కవిత్వము లల్లి వాడలన్ గూఁతలు గూయు దుష్కవులకు వశమే కరఁగింప నీటిపై వ్రాతలువోలె బోవు కవివైఖరులున్ విలసిల్లనేర్చునే.

⁠ 9

క.⁠

సుకవులు చెప్పిన కవితా నికరములు శిలాక్షరముల నిలుకడ గాంచున్ గుకవులు చెప్పిన కవితా నికరములు జలాక్షరముల నీచత నణఁగున్.

⁠ 10

1. జెన్నయుని అని పాఠాంతరము