పుట:సకలనీతికథానిధానము.pdf/171

తృతీయాశ్వాసము

165

సీ.⁠

జగతీశురాష్ట్రదేశంబున రవిగుప్తుఁ         డనువైశ్యుఁ డప్పురియంగణమునఁ దనతోడిచెలులునుఁ దాను నోములు నోమ         వచ్చినభవగుప్త వరతనూజు రత్నమాలికయను రమణిఁ గటాక్షించి         విరహవేదన బొంది వివశుఁడైన నతఁడు పెంచిన శుకమలయ నేమిటి కింత         యని శివాలయమున కపుడె యరిగి

⁠

తే.⁠

పూజ చేసిన పత్రిలో బొంచియుండి శివునకును మ్రొక్క భవగుప్తుజిలుక పలికె నీతనూభవ రవిగుప్తునికినిఁ బెండ్లి సేయుమనవుఁడు హరుఁడు వచించె నన్ను.

⁠ 205

వ.⁠

అని వివాహంబు చేసిన రవిగుప్తరత్నమాలికలు సుఖం బుండునంత నొక్కనాఁడు.

⁠ 206

క.⁠

రవిగుప్తుఁడు వేఱొకతెను వివాహమును గాదలంప వెలఁదుక యనియెన్ శివునానతి మజ్జనకుఁడు వివాహమునుఁ జేసె నొండువిధ మింకేలా.

⁠ 207

ఆ.⁠

అనిన నతఁడు నవ్వి యస్మచ్ఛుకము డాఁగి పలికెఁగాని హరుని పలుకుగల్ల యనిన నరిగి తండ్రి కావార్త నెఱిగింపఁ గోరి యల్లుచిలుకఁ గొంచుబోయి.

⁠ 208

వ.⁠

ఈక లూడ్చి వండింప సమకట్టిన నది దైవికంబున నొక్కచోట డాఁగి యీకలు వచ్చి యెగసి యుపవనంబున వ్రాలి యొక్కరాజు జ్యేష్ఠపుత్రుని చేపడి యతనికి హితుండై యుండె నంత.

⁠ 209