పుట:సకలనీతికథానిధానము.pdf/172

166

సకలనీతికథానిధానము

ఆ.⁠

పిన్నపత్నిమీఁది ప్రేమను భూపతి తత్తనూజు రాజ్యతంత్రమునకు భర్తఁ జేయ పెద్దభార్యకుమారుండు చిలుక గూడి కార్యచింత సేయ.

⁠ 210

వ.⁠

ఆశుకం బిట్లనియె.

⁠ 211

మత్తకోకిల:⁠

ఇంతయేటికి జింత యీపని యేన తీర్చెద నింక నీ వంత మాన్చెదనంచు దచ్ఛుకవంశ్యు లారవకింకిణీ వంతులై తను చేర నప్పుర వప్రవీధుల నిల్వ భూ కాంతుఁ డెవ్వరటన్న నింద్రుని భావ్యదూతల మేమనన్.

⁠ 212

క.⁠

ఏమిపని వచ్చినారన భూమీశ్వరయగ్రమహిషిపుత్రుని రాజ్య శ్రీమహితు జేయుమని సు త్రాముఁడు నీ కెఱుక చేసి రమ్మని పంపె.

⁠ 213

తే.⁠

అనిన నట్ల సేతునని కీరముల నంపి[1] పెద్దవుత్రుని యువరాజ్యభృతునిఁ జేసి చనిన సంతోషచిత్తుఁడై యనియె చిలుక కతఁడు నీకిష్ట మెయ్యది యది యొనర్తు.

⁠ 214

వ.⁠

అనిన భవగుప్తు సొమ్మెల్ల పుచ్చుకొని తల గొరిగించి వెళ్ళగొట్టించు మనిన నట్ల చేసె గావున కీరం బుపాయకర్త యనిన భరద్వాజం బిట్లనియె.

⁠ 215

సీ.⁠

ఒకచెట్టుతొఱ్ఱలో శుకము పిల్లలఁ బెట్ట         బోయయొక్కఁడు శుకపోతములనుఁ గొనిపోవఁ జిలుక మ్లేచ్ఛునిఁ జూచి పలికెను         శిశుఘాత మేటికిఁ జేసె దనిన

⁠

1. ఈపాదము ఛంధోభంగముగా కాన్పించుకున్నది.