పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/264

చతుర్థాశ్వాసము

257

తే.⁠

పరఁగ నానాగకన్య గర్భంబుఁ దాల్చి నాగలోకంబునకుఁ బోవ భోగినాథుఁ డావిధంబు నెఱింగి యేమనక కార ణంబు నూహించి మది సంతసంబు నొందె.

⁠ 203

క.⁠

ఆకన్యక కందఱు దగఁ జేకొని రక్షించుచుండ శ్రీకరుఁ డనఁగాఁ బ్రాకటశుభలగ్నమున సు ధాకరునింబోలెఁ గల్గెఁ దనయుం డెలమిన్.

⁠ 204

తే.⁠

అంతకంతకు నభివృద్ధి యగుచు బాలుఁ డమ్మ నాతండ్రి యెవ్వఁడటంచు నడుగ నాగకన్యక వినుచును నగుచుఁ దనయు నెత్తి ముద్దాడి లాలించి యిట్టు లనియె.

⁠ 205

తే.⁠

తనయ నీజనకుండు సుధర్మరాజు ధారుణీతలమును బ్రసిద్ధంబుగాను బాలనము సేయు నటకు నిర్భయుఁడ వగుచుఁ బోవలసియున్న సుఖముగఁ బొమ్ము తనయ.

⁠ 206

ఉ.⁠

అచ్చట నర్ధరాజ్యము మహాముద మందఁగ నాఘనుండు నీ కిచ్చు సుధర్మపద్ధతిగ నేలుము నన్నుఁ దలంచుచుండు మిం కిచ్చట కార్య మేమి యట కేగి సుఖంబుగ నుండుమంచుఁ దా మచ్చికమీరఁ జెప్పి చనుమార్గము తేటఁగఁ జూపెఁ బ్రీతితోన్.

⁠ 207

వ.⁠

అప్పు డబ్బాలుండు మాతామహుం డగునాగరాజేంద్రునకు నమస్కరించి దీవనలంది తల్లికి నమస్కరించి దీవనలంది పాతాళ బిలమార్గంబున నిర్గమించి వచ్చుచుండఁ దల్లియు వెంటనంటి భూమిపైకిం దెచ్చి విడిచి తనభర్త యొసంగినయుంగరం బక్కు

⁠