పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/182

తృతీయాశ్వాసము

175

⁠

ననుభవించినయోగికి ననుభవైకవేద్యం బగుంగాని వాక్కునఁ జెప్పఁగూడ దది యెట్లంటివేని.

⁠ 143

శా.⁠

బ్రహ్మం బద్వయవస్తువౌ ననెడుశాస్త్రం బెప్పుడుం బల్కుచున్ బ్రహ్మాహ మ్మనునంతమాత్రముననే బ్రహ్మంబు గానేర్చునే బ్రహ్మంబైన గురుస్వరూపము మదిన్ భావించి భావించి తా బ్రహ్మం బైనటువంటికాలముననే బ్రహ్మం బనంగూడునే.

⁠ 144

వ.⁠

ఇ ట్లవాఙ్మానసగోచరం బైనబ్రహ్మానుభవంబు రాజయోగం బగు. ముందు చెప్పిన మంత్రలయాదియోగంబుల యనుభవ క్రమం బెట్లనిన.

⁠ 145

సీ.⁠

మంత్రయోగంబుచే మారుతసంచార         దేహమర్మంబులఁ దెలియవచ్చు లయముచేఁ దనలోని లలితప్రణవనాద         సూత్రంబు మది నూని చొక్కవచ్చు హఠముచే జ్వరజరత్వాదిరోగంబులు         మృత్యువుం గెలిచి మేల్మించవచ్చు సాంఖ్యయోగంబుచే సకలేంద్రియవ్యాప్తు         లరయుచుఁ దన్ను దా నరయవచ్చు

⁠

తే.⁠

తారకముచేతఁ దనువునఁ దాను వెలుఁగు చున్నరీతిని గనవచ్చు నుచితమైన రాజయోగంబుచేఁ బరబ్రహ్మమందుఁ బొంది యుండఁగవచ్చు సంపూర్ణుఁ డగుచు.

⁠ 146

సీ.⁠

విను మంత్రయోగికన్నను గొప్ప లయయోగి         లయయోగి కధికుఁ డుల్లాసియైన

⁠