ఈ పుట అచ్చుదిద్దబడ్డది
10
శ్రీరమా పరిణయము
పేరంటము పిలుపు
'రయమున మా మంది - రమున కో గిరిజ!
ప్రియమొప్ప రావమ్మ! - పేరంటమునకు,
రామాలలామ! భా రతి! నీవు వేగఁ
బ్రేమతో రావమ్మ! - పేరంటమునకు,
మునివధూమణులార! - ముచ్చటమీఱఁ 170
బెనుపొంద రారమ్మ? - పేరంటమునకు
సిరి నొప్పుచుండు శ - చీదేవి! నీవు
పెరిమెతో రావమ్మ! - పేరంటమునకుఁ,
దెఱఁగొప్పఁ దక్కిన - దిక్పాలసతులు!
మురిసి పేరంట మి -మ్ముగ మీరు రారె!
గరుడ, గంధర్వాది - కామినీ మణులు!
మెఱసి పేరంటంబు - మీరెల్ల రారె!'
అని వారు పేరంట -మందఱిఁ బిలువ
పెండ్లి యేర్పాట్లు
నొనర సాగర, సోము - లుచితక్రమముల
నచ్చట బ్రహ్మ, రు - ద్రాదులతోడ 180
మచ్చికతో నాత్మ - మందిరంబునకు
గొనకొని హరినిఁ దో - డ్కొనివచ్చి, యచట
మునుల సమ్మతమున - ముదము దీపింప,
