పుట:శ్రీరమాపరిణయము (తరిగొండ వెంగమాంబ).pdf/22

2

శ్రీరమా పరిణయము

‘దేవదేవ! సమస్త - దేవతారాధ్య!
నీ వింక నీ యోగ - నిద్ర మేల్కొనవె!
పరమాత్మ! మమ్మెల్లఁ - బాలించుకొఱకు
నీరుపమంబగు యోగ - నిద్ర మేల్కొనవె!’
యనుచుఁ బ్రార్థింపఁగా - నాది విష్ణుండు
కనువిచ్చి యందఱఁ - గలయ నీక్షించి
మందస్మితాస్యుఁడై - ‘మహితాత్ములార!
యెందుకు వచ్చితి? - రిచ్చోటి’ కనిన
‘పరమాత్మ! మీ దివ్య - పాదపద్మములు
సురుచిరభక్తితోఁ - జూడ వచ్చితిమి
మమ్ము మన్నించి, మా - మనవి పాలించి
సమ్మతంబుగ విను - సత్య సంకల్ప!
నిరత మిట్టే యోగ - నిద్ర నుండినను
శరణాగతుల నేలు - సరణి యెట్లగును?
సర్వజ్ఞుఁడవు, సర్వ - శక్తియుక్తుఁడవు,
నిర్వాణమయుఁడవు, - నిర్వికారుఁడవు
కావున నీ పాద - కమలద్వయంబు
భావించి నిన్నాత్మ - పతిఁగాఁ దలంచి
సహజమౌ నీశుద్ధ - సాత్త్విక కళయె
మహనీయ తపము స - మ్మతముగాఁ జేసి