ఈ పుట అచ్చుదిద్దబడ్డది
ద్విపద కావ్యము
3
పనిఁబూని జలరాశి - పట్టియై పుట్టి
ఒనర నిన్నే కోరు - చున్న దిచ్చోట
నీ వా మృగాక్షిఁ బా - ణిగ్రహణంబుఁ
గావింపవే నిత్య - కల్యాణ!' యనిన, 40
నవ్వుచుఁ దరిగొండ - నరహరి వేడ్క
నివ్వటిల్లఁగ వారి -నిం జూచి పలికె:
నారాయణుని యనుగ్రహోక్తి
'గరళకంధర, పద్మ - గర్భాదు లెల్ల
సరవిని వినుఁ డొక్క - సరణిఁ జెప్పెదను
భూలోకమున శేష - భూధరమందు
నే లీల దీపింప - నిలిచి, యచ్చోట
వేంకటేశ్వరుఁడన - విఖ్యాతిఁ బొంది
పొంకంబుగా నుందు - భూపాలు కరణి
మచ్చిక నలమేలు - మంగాభిధాన
మిచ్చి, సంప్రీతి నా - యిందిరాసతిని 50
నే శీఘ్రముగను పా - ణిగ్రహణంబుఁ
జేసెద'నని పల్కి, - చిఱునవ్వు నవ్వి
గుఱుతుగా వారి వీ - డ్కొని ముదం బెసఁగ