ఈ పుట అచ్చుదిద్దబడ్డది
రేకు: 0116-2 శంకరాభరణం సంపుటం: 07-092
పల్లవి:
ఎరవై దూరితిమి యిన్నాళ్ళదాఁకా నిన్ను
సరసములాడఁగాను సాదించేమా
చ.1:
వల్లెవేసి కోడెలను వంచుకొనేయట్టి నీకు
చెల్లునెంత నీవు చేఁత చేసినా మమ్ము
వెల్లవిరిగా దొంగిలి వెన్నలు దినినవోట
పల్లదాలేమాడినాను పాటివట్టేమా
చ.2:
మెండుగఁ జీరలుదీసి మెరసిన చేతుల
దుండగాలెంత నించినా దోసమనేమా
అండనే పదారువేల ఆయాలు మోచిన నీమై
వొండె మాచన్నులు మోవనోపదనీనా
చ.3:
గోవుల చన్నులు నోర గుమ్మలాడిన నీమోవి
యీవల మాకియ్యఁగాను యెంగిలనేమా
శ్రీ వేంకటేశ నన్నుఁజేరి యిట్టె కూడితి
వావిరినెంతమెచ్చినా వలదననా