ఈ పుట అచ్చుదిద్దబడ్డది
రేకు: 0116-3 ఆహిరి సంపుటం; 07-093
పల్లవి:
ఏల పురుఁడు వెట్టుక యింత సేసేవు నన్ను
మేలిమివాఁడవు నీవు మెంగదాన నేను
చ.1:
విరహానఁ గాఁకరేఁగి వేసాలకుఁ జలిగాసి
దొరతనాలు సేసీటి దొడ్రవాఁడవు
గురువింద పూవులు కోరి మనసునఁ గోసి
వరుస నిన్నుఁ బూజించే వనితను నేను
చ.2:
నారలు నాలివొలిచి నమ్మికలఁ దాడు వేఁడి
పోరచిని వల్లెవేసే పొట్టివాఁడవు
గారవపు నవ్వులనే కప్పురాలు నూరి నూరి
సారెకు నీపైనఁ బూసే జలజాక్షిని నేను
చ.3:
కలలోనుంకువవెట్టి కౌఁగిటిలో నన్నుఁ గూడి
సాలసీటి శ్రీ వేంకటెశుఁడవు నీవు
పలచని చెమటల పన్నీటికాలువదెచ్చి
జలకములార్చేటి సకియ నేను