ఈ పుట అచ్చుదిద్దబడ్డది
రేకు: 0151-1 శ్రీరాగం సంపుటం; 07-297
పల్లవి:
ఎంతని చెప్పదు నీలేమజవ్వన
మంతయు నెరుఁగు నంగజుఁడు
చ.1:
మిన్నెల్లా నిండెను మెరుఁగులే చెలి
కన్నుల మించులు గలుగఁగా
పున్నమవెన్నెల పోయెఁ జోటులేక
సన్నముగాఁ జొచ్చె చందురుఁడు
చ.2:
దిక్కుల నింతటఁ దిమిరము గప్పి
నిక్కి కొమ్మకొప్పు నెగడఁగా
చిక్కి రాతురుల చీఁకటి చెదరి
చుక్కల రాసులు చూపట్టెనే
చ.3:
ఇంతలో శ్రీ వేంకటేశు కౌఁగిటికి
నింతికుచగిరులెదుగఁగా
వంతలఁ గొండలు వానలఁ గరఁగి
యింతలింతలాయె నిన్నియును
