ఈ పుట అచ్చుదిద్దబడ్డది
రెకు: 0151-2 శంకరాభరణం సంపుటం: 07-298
పల్లవి:
ఒకటి కొకటి పైనొరపాయ
చికురభరములో చిడిముడియాయ
చ.1:
జలజపువదనకు చాయలకన్నులు
జలజప్తురేకులు సహజములే
నలుపునఁ జనుపక నాసికమొకటే
కలసి కదంబపు కలబెరికాయ
చ.2:
పెనుగజయానకు పిరిఁదిబటువులే
మొనకుంభస్టలములు దొరసె
చెనసి అందుపై సింహపునడుమే
వెనక ముందరికి విరసములాయ
చ.3:
నిరతి బాహులతల నెలఁత కుచములే
విరిపూ గుత్తుల విధమమరె
ఇరవుగ శ్రీవేంకటేశుని కూటమి
పరిమళములలోఁ బరిమళమాయ