ఈ పుట అచ్చుదిద్దబడ్డది
రేకు: 0104-4 ఆహిరి సంపుటం; 07-022
పల్లవి:
ఏమి భాగ్యముననో యిటు విచ్చేసితిగాక
వోమి నీయవసరము వొకరికినబ్బునా
చ.1:
కడు విరహినై నిన్నుఁ గన్నులఁ జూచేమంటేను
వడదేరి కొలువు చావడినుందువు
తడవి అక్కడికైన దగ్గరేనంటే నిన్ను
యెడసి నావంటివారు ఎందరైనా వత్తురు
చ.2:
పక్కన నే నీకు విన్నపము సేసుకొనేనంటే
యెక్కడ లేని పరాకు యెప్పుడు నీకు
చెక్కు వట్టి తీసి నిన్ను చేతనెచ్చరించేనంటే
వెక్కసాన నట్టివారు వేవేలు గలరు
చ.3:
పారితెంచి నే నిన్ను బలిమిఁ గూడేనంటే
నేరుతు రందుకుఁ దగు నెపములెల్లా
కోరి శ్రీ వేంకటేశుఁడ కూడితివి నన్ను నిట్టె
యీరితి నలమేల్‌మంగను యిందరుఁ జుట్టాలే
