ఈ పుట అచ్చుదిద్దబడ్డది
రేకు: 0104-5 సాళంగనాట సంపుటం: 07-023
పల్లవి:
ఆతఁడు నీవు నొక్కటైతే నౌాదురుగాక
యేతున మమ్మంటకు నేమెవ్వరిలోవారము
చ.1:
వంతులకుఁ బెనఁగేవు వద్దు సుమీ నీవు నాతో
యింత పోరితే నీవే యెఱుఁగుదువు
రంతుల నేనేమన్నా రాఁగఁజేసి దూరవద్దు
యెంతకెంత సేసేవు నే మెవ్వరిలో వారము
చ.2:
నేనున్నాడనే వుండేవు నీకిదేమే చలమా
కానీ లేవే మీఁదటెత్తు గనుకొనేవు
పూని మమ్మురేఁచి వట్టి బూమెలు సేయవద్దు
యీ నేరుపులేఁటికి నే మెవ్వరిలోవారము
చ.3:
నన్నుఁ బేరుకొనకుమీ నాయముగాదు నీకు
చిన్నదానవు నేఁజాటి చెప్పితి నీకు
యెన్నికెతో శ్రీ వేంకటేశుఁడు నన్నుఁ గలనె
ఇన్నాళ్ళదాఁకాను నే మెవ్వరిలోవారము