ఈ పుట అచ్చుదిద్దబడ్డది
రేకు: 0103-2 పాడి సంపుటం; 07-014
పల్లవి:
ఎవ్వరెవ్వరి చిత్తాలు యెట్టుండునో
యివ్వల నీకు మొక్కేది యెట్టుండునో
చ.1:
పగట్ల నీతోఁ బలుమారు నవ్వఁగాను
యెగసెక్కెమని నీకు నెట్టుండునో
తగిలి నీవొద్దనట్టి దాయక పాయకుండఁగ
అగడుగ నేమడిగేనని వుండునో
చ.2:
చెంతల నీ చెక్కు నొక్కి సేవలు నేఁజేయఁబోతే
ఎంత ఱట్టడిది యని యెట్టుండునో
పొంతనే యాటపాటల పొద్దులు గడపితేను
యింత మాయదారి యని యెట్టుండునో
చ.3:
కాతరాన మాయింటికి గక్కనఁ బిలిచితేను
యేతులెంత సేసేనని యెట్టుండునో
ఆతుమై శ్రీ వేంకటేశ అట్టె నన్నుఁ గూడితివి
యీతగుమన్నన నాపై నెట్టుండునో
