ఈ పుట అచ్చుదిద్దబడ్డది
రేకు: 0103-3 వరాళి సంపుటం: 07-015
పల్లవి:
ఏకతంబాయనిదె యిద్లరికి నొకచోట
యేకొలఁదిఁ బడునా వలుపేమందునే
చ.1:
ననుపు గలవారికిని నవ్వకుండఁగరాదు
మనసులెనసిన తగులు మానరాదు
చనవు వెగ్గళమైన సరసముల కొదలేదు
తనివి దీరఁడు విభుఁడు తనకు నే నెదురా
చ.2:
మగలకును సతులకును మాటలాడక పోదు
మొగమోట గలచోట మొరఁగ రాదు
పగలేని తావుకును పంతంబు పనిలేదు
తగవులెంచీనతఁడు తనకు నే నెదురా
చ.3:
కూటములు గలయపుడు కొంకు గొసరే లేదు
పాటించి మొక్కఁగాఁ బదరఁదగదు
యీటుతో శ్రీ వేంక టేశుఁడిటు ననుఁ గలసి
తాటించి పాగడీని తనకు నే నెదురా