ఈ పుట అచ్చుదిద్దబడ్డది
రేకు: 0121-6 ఆహిరి సంపుటం: 07-126
పల్లవి:
ఇంత మాయకాఁడవౌత యెఱఁగనైతి నేను
పొంతల నాచే గందము పూయించుకొంటివి
చ. 1:
సారెకు నావలపు రచ్చలఁ బట్టేనని కా
పోరుచు నాచీర కాసె పోయుమంటిమి
వారి వీరిచేత నన్ను దూరించేనని కా
కేరుచు నాకొనగోర గీరించుకొంటిని
చ. 2:
ఆడుకో నన్నునింత అలయించేనని కా
వేడుకతోఁ గమలాన వేయుమంటివి
జాడతోనింతేసి దోసాలు గట్టేనని కా
వీడక తొడపైఁ దొడ వేయించుకొంటివి
చ. 3:
పందెమాడి నన్నునింత పచ్చి చేసేనని కా
చెంది నీమోవి యెంగిలి సేయుమంటివి
అంది శ్రీ వేంకటేశ నన్నంటి పాయనని కా
ముందరనే నన్నుఁగూడి మొక్కింపించుకొంటివి