ఈ పుట అచ్చుదిద్దబడ్డది
రేకు: 0121-5 రామక్రియ సంపుటం: 07-125
పల్లవి:
నీవే జాణవైతే నిన్ను మెచ్చేను
ఆవలనెమ్మెలూరక ఆడుకోకువే
చ.1:
చలువయినదెయ్యది చవులలోనేది చవి
తలఁపులోననేది దగిలియుండు
చెలఁగు మోమేమిట చిఱునవ్వెప్పుడు వచ్చు
వలపెరిఁగితే నిది వర్ధించవే
చ.2:
ఆసలేమిట నిండు ఆయమేమిటఁ గరఁగు
బాలెందాఁకాను పనికి వచ్చు
యీసులేరీతిఁ దీరు యింపులేగతిఁబుట్టు
వాసి నేర్చులు గలితే వర్ణించవే
చ.3:
చింతలేమిటఁ బాయు సిగ్గులేవల్లఁ దీరు
పంతమెందుల వచ్చు పనిగొంటేను
యింతలో శ్రీ వేంకటేశుఁడిటు నన్ను నిన్నుఁ గూడె
వంతుదానవై తేను వర్ణించవే