ఈ పుట అచ్చుదిద్దబడ్డది
రేకు: 0215-2 శ్రీరాగం సంపుటం: 08-086
పల్లవి:
తలవంచు కొననేలే తరుణి నీకు
యెలమిఁదప్పకచూచీ నిదివో నీవిభుఁడు
చ. 1:
తాలిమిగలచెలికి తలఁపెల్లా నీడేరు
జాలిఁబొరలకున్న చవియౌ మేలు
నాలి నెరపకుండితే నవ్వులు వేళమేవచ్చు
యీలీలనే వుండరాదా యిదివో నీవిభుఁడు
చ. 2:
మాట వొడఁబడికైతే మనసులు గరఁగును
యీటుకుఁ బెనఁగితేను యిచ్చక మవును
కూటములు గలిగితే గుణములు చక్కనవును
యేఁటికి నూరకుందాన విదివో నీవిభుఁడు
చ. 3:
తగవుల నడచితే తప్పదు సంతోషము
మొగమోట గలిగితే మోహముమించు
జిగి యలమేలుమంగ శ్రీవేంకటాద్రివిభుఁని
యెగసక్యాలకే కూడితితఁడే నీవిభుఁడు