ఈ పుట అచ్చుదిద్దబడ్డది
రేకు: 0214-1 మాళవిగౌళ సంపుటం: 08-079
పల్లవి:
ఏడనుండా నాసొమ్ము యెందు వొయ్యీనే
వీడెములో కప్పురమే వీనివలపెల్లను
చ. 1:
పంతమాడుకొనఁ గాని భావించ నాతనిరూపు
చింతించ నాలోనిదే చెప్పనేలే
దొంతివెట్టి గొల్లెతలు దోమటిదొడుకఁగాను
బంతిచిక్కినట్టి మోవిపండు నే దాఁచితినే
చ. 2:
విచ్చి చెప్పఁగాని తనవింతచక్కఁ దనమెల్ల
పచ్చి నాచపులలోనే పదరనేలె
ముచ్చటఁ బదారువేలు ముడిచివేసినపువ్వు
తెచ్చి నేదాఁచుకొంటిని దేవర యెరఁగదా
చ. 3:
ఱట్టు నీ నారతి నాఱడి శ్రీవేంకటేశుఁ
డొట్టి వొరసినవొర వొరయనేలె
అట్టె తొల్లిటివారి అరచేతి నిమ్మపండు
గుట్టున నేఁదీసుకొంటి గుఱుతులడుగరె
