ఈ పుట అచ్చుదిద్దబడ్డది
రేకు: 0211-6 పాడి సంపుటం: 08-066
పల్లవి:
తాసువంటిది మన తప్పులు నీకా లేవు
మూసిన ముత్యాలవలె ముంచీని నవ్వులు
చ. 1:
పొలఁతికి బాసయిచ్చి బొమ్మచారివై వుండఁగ
చెలి వేరొకతె వచ్చి చేయివట్టీని
బలిమి యెవ్వరిదో పనులు దాదాత మోచె
నిలువునూరు వండీని నీమేనిపలకలు
చ. 2:
వనితకు సన్నసేసి వ్రతము వట్టుకుండఁగ
పెనఁగి వేరొకతె తాఁ బిలిచీ నిన్ను
చనవు లెవ్వరిపాలో చవులు రెంటాఁదోఁచి
పొనిఁగి పోఁకను నీపై పుట్టెడమ్మీ వలఁపు
చ. 3:
కొమ్మవొకతెతోఁ బెండ్లికొడుకవై నీవుండఁగ
కమ్మర నొకతెవచ్చి కాఁగిలించీని
యెమ్మెల శ్రీవేంకటేశ యిద్దరితో మొగమాట
యిమ్ముల కోటికిఁ బడిగెత్తెను నీరతులు
