ఈ పుట అచ్చుదిద్దబడ్డది
రేకు: 0211-5 ఆహిరి సంపుటం: 08-065
పల్లవి:
మగువకు దిక్కెవ్వరు మరియును నీవేకాక
తగవు ధర్మాలు నీవే తలపోయ వలదా
చ. 1:
యేపున నీయంతనీవు యింతి విచారించకున్నా
ఆపెమాట వినవద్దా అయ్యో నీవు
చాపలాన నీకంటె సవతికి దయవుట్టె
పాపపణ్యములు నీవు భావించుకోవలదా
చ. 2:
పంతాన నీకెవద్దికి ఫైకొని నీవురాకున్నా
కాంతపంపు సేయవద్దా కట్టా నీవు
పొంతనే మొగమోటము పొరుగువారెందుగలిగె
చెంత నీవిచ్చినబాస చెల్లించుకోవలదా
చ. 3:
ఇల శ్రీవేంకటేశుఁడ యెంతరాజసమైనా
చెలిమేలు చూడవద్దా చెల్లఁబో నీవు
తొలఁగక కూడితివి తోడియాపె యెచ్చరించఁగ
నెలకొన్న నీ గుణాలు నెరపఁగ వలదా
