ఈ పుట అచ్చుదిద్దబడ్డది
రేకు: 0208-6 దేశా(సా)క్షి సంపుటం: 08-048
పల్లవి:
చెప్పరాదు వాయెత్తి చేసేటి మీ చేఁతలెల్ల
కప్పిన నీగుట్టెల్లఁ గానవచ్చునిఁకను
చ. 1:
కామిని యిప్పుడు నీతోఁ గన్నులనే మాటలాడె
ఏమని యనినదో యెఱఁగఁగాని
వాములై నవవిగొన్ని వలపులు పులకలై
యీమాట కామాఁట యెనవచ్చునిఁకను
చ. 2:
చెలియ యప్పుడు నీకుఁ జేతులార సేవచేసె
చల్లపట్టి మర్మమెత్తి సాదించగాని
నిలువెల్లఁ జెమరించె నీఁకు మోహరసములై
తలఁపులు తలఁపులు తారుకాణే యిఁకను
చ. 3:
అంగన యిప్పుడు నిన్ను నాయములంటఁగఁ గూడె
పంగించి మీభావములేర్పరచఁ గాని
యింగితాన శ్రీవేంకటేశ నీవే నవ్వితివి
యెంగిలి మీమోవులివి యేరుపడెనిఁకను