ఈ పుట అచ్చుదిద్దబడ్డది
రేకు: 0208-1 రామక్రియ సంపుటం: 08-043
పల్లవి:
సాకిరులు నేము నేమే సతులుమీరడుగరే
దీకొనిమానిజములు దెలుసుకోరే
చ. 1:
పొంచి తాను నగఁగాను బొమ్మల జంకించితిని
తెంచక చెలులు పాడి దీర్చరే మీరు
కంచముపొత్తుకు రాఁగాఁ గప్పురాన వేసితివి
యెంచక యెవ్వరిది మేలేర్పరచరే
చ. 2:
పేరుకొని పిలువఁగఁ బెదవుల గొణఁగితి
తేరిచి మాడుఁబాడు దిద్దరే మీరు
చేరి జారించెఁ బయ్యద చేతఁ గొప్పువట్టితి
సారపు మాపంతములు చక్కఁ బెట్టరే
చ. 3:
మోవిదానె యియ్యఁగాను మొనపల్లు సోఁకించితి
శ్రీవేంకటేశునకు నాకుఁ జెప్పరే బుద్ది
దేవుఁడు తా నన్నుఁ గూడె తెలిసి నేనే మొక్కితి
యేవలఁ జూచిన మీరు యిఁక నేమనేరే
